Ama Pardomuan's Site

Hamu angka dongan, manat hamu di angka na masa saonnari on, tarlumobi tu angka Parpoda Haliluon. Alana, ndang mar-rumang hon sada ulok be sibolis hira na di porlak Eden i. Najolo i do i. Hatiha i SD dope ibana. Saonnari nunga Profesor Doktor !!! Na pistar situtu ibana laho mamolgak jala mangago jolma. Antong holan tu Ibana ma pangondian. Tangihon hamu logu on.-

JESUS TUHANKU DI HO MA AU ON
cipt.Gorga (Bonar Gultom)

Jesus Tuhanku di Ho ma au on
Sai mangihut tu Ho ma tongtong
Togu tondingku ramoti au on
Sonang di ho tongtong

O, Tuhan togu ma au
O, Tuhan togu togu ma au
Togu tondingku ramoti au on
Sonang di ho tongtong

Ro pe sibolis mangago gogo
naeng mamolgak sude siseanmi
ndang tagamon mabiar antong
Ho pangondianki

Ho pangondoian tongtong
O Tuhan sai ondihon tongtong
Jesus Tuhanku ingani au on
sonang di Ho au on
sonang di Ho au on