Ama Pardomuan's Site

Martua dongan angka na sabagas,
molo marbagas dibagasan Tuhan i, Jesus i
na mangoloi ibana mansai ringgas
na so marholang dohot tangiangna i.

Tongtong holong rohana di Jesus ta,
radot manungkun lomo ni rohana i, tung uli
huhut tongtong marguru tu hataNa
dibahen tung sandok pangalahona i

ref.
Tung na martua baoa dohot ina
sisada roha mida Tuhan Jesus i
Saurdot, rap marholong roha di Jesus na
marsaulihon hatuaon nauli

Jesusta do dibahen haposanna
manang beha parsorionna pe muse, sasude
Martua angka baoa dohot ina
na marsaripe dibagasan Jesus i..

Martua na saripe pangajari
di anakhonna asa sai tongtong burju, sai burju
Na so marpansohotan ganup ari
tumangiangkon dakdanak na i tutu

Tu Jesus dipasahat dakdanak na
asa Ibana mangondihon angka i sasude
Huhut dilehon asi ni rohaNa
manogihonsa sahat tu lambungNa i

ulang ref.